2.1 Om te vertaal en te tolk

5. Kies die beste woord uit die volgende lys om die sin te voltooi:

voorskou voorstel voorspel gesien

“ In die kristalbal gekyk ” beteken dat die wetenskaplikes ________ het hoe dinge in die toekoms sal lyk. (1)

6. Sê in jou eie woorde wanneer en waar die nuwe dokumentêre reeks uitgereik is. (3)

7. Kies die regte antwoord en skryf slegs die letter van jou keuse neer:

“… soortgelyk aan … ” (par. 4) beteken

1. van dieselfde soort.
2. amper dieselfde as.
3. nie dieselfde nie.
4. presies dieselfde. (1)

8. Verduidelik in jou eie woorde wat bedoel word met: “… mees gevorderde rekenaar-tegnieke… ” (par. 4) (2)

9. Hoe het die vervaardigers dit reggekry om die diere so realisties voor te stel in die dokumentêre reeks? (2)

10. Voltooi:

Al die wetenskaplikes stem saam dat die mens se bestaan op aarde nie

_______ gaan wees nie. (2)

11. Verduidelik in jou eie woorde wat bedoel word met: “… dat hy oor ‘n paar miljoen jaar

uitgesterf sal wees” (par. 6).

Totaal: 20

Assessering

Memorandum

AKTIWITEIT 1

1.-3. Mondelinge werk

AKTIWITEIT 2

• Naslaanwerk en opsomming
• Bronnelys

AKTIWITEIT 3

• Plakkaat met byskrifte

AKTIWITEIT 4

1. Ontkennende vorm

1.1 Ek het nog nooit ‘n kwaai swart mamba gesien nie.

1.2 Het jy nog nooit aan ‘n krokodil geraak nie?

1.3 Niemand weet waar die boomslang is nie.

1.4 Daar is nêrens ‘n natuurbewaarder wat die slang sal kom vang nie.

1.5 Moenie vinnig weghardloop nie!

1.6 Nee, die molslang het nog nie die rot gevang nie.

1.7 Nee, die kind sal nooit gesond word nadat die slang hom gepik het nie.

1.8 Nee, daar is niemand wat al aan ‘n luislang geraak het nie.

1.9 Nee, die slang is nie in die huis nie.

1.10 Moet asseblief nie die deur toemaak nie!

2. Lydende vorm

2.1 Die pofadder is deur al die kinders raakgesien.

2.2 Deur wie is die arme slang doodgemaak?

2.3 ‘n Groot rot is deur die slang gevang.

2.4 Die natuur sal altyd deur ons bewaar word.

2.5 Diere moet nie (OF: moenie) seergemaak word nie.

3. Bedrywende vorm

3.1 Ons kan bedreigde diere red.

3.2 Die dokter behandel die pasiënt teen slangbyt.

3.3 My hond jaag ‘n muis.

3.4 Die akkedisse in ons tuin vang ‘n klomp vlieë.

3.5 In die verlede het mense soms skilpaaie geëet.

4. Indirekte rede (Aanvaar enige korrekte variasie.)

4.1 Errol sê dat sy broer gister amper op ‘n slang getrap het. (OF: Errol het gesê dat…)

4.2 Die onderwyseres het belowe (OF: belowe) dat hulle (OF: ons) die volgende dag op ‘n uitstappie sou gaan.

4.3 Jolene het gevra of sy mag saamgaan.

4.4 Jason se ma het gewaarsku dat hulle (OF: ons) nie naby die leeus moes gaan nie.

4.5 Die kinders het geantwoord dat hulle nie so dom was nie.

TOETS

1. onwaar. “van oor die hele wêreld heen” (2)
2. Dit het hulle vyf jaar lank geneem. (2)
3. (b) (1)
4. Nee, hulle kon nie. “kyk” (2)
5. voorspel (1)
6. Dit is in Oktober 2002 uitgereik in Bristol, Engeland. (3)
7. (b) (1)
8. eie woorde (2)
9. Hulle het die diere digitaal op rekenaar geskep. (2)
10. permanent (of ander aanvaarbare antwoord) (2)
11. Daar sal nie meer mense op aarde wees nie. (2)

TOTAAL: 20 PUNTE