Natuurwetenskappe
Materie en stowwe
Eienskappe en gebruike van materie
Opvoeders afdeling
Memorandum
Opdrag 1 (Groepwerk):
| TIPEMATERIAAL | GEBRUIKE |
| Metale | Word gebruik om messe, vurke, potte, panne en ornamente van te maak. (Daar kan nog baie ander voorbeelde wees.) |
| Vesels | Gordyne, matte, klere word van vesels gemaak.(Daar kan nog baie ander voorbeelde wees.) |
| Plastiek | Plastiekbakke, kamme, borsels, ens.(Daar kan nog baie ander voorbeelde wees.) |
| Glas | Vensters, drinkglase, wynglase, asbakkies, ens.(Daar kan nog baie ander voorbeelde wees.) |
| Hout | Meubels, tafels, ornamente, ens.(Daar kan nog baie ander voorbeelde wees.) |
Leerder afdeling
Inhoud
Aktiwiteit: om materiale te kan identifiseer [lu 1.1, lu 2.2]
Jy weet reeds dat alles op die aarde (plante, diere en nie-lewende dinge) uit materie bestaan – van ‘n klein stofkorreltjie tot ‘n groot planeet.
‘n Ruit in ‘n venster lyk anders as die glas waaruit ons water drink, maar albei word van dieselfde stof, nl. glas , gemaak. Party stowwe mag eenders lyk en dieselfde kleur hê, maar hulle verskil t.o.v. reuk, smaak, hardheid, tekstuur en elastisiteit. Dit word die eienskappe van stowwe genoem en word gebruik om dit te beskryf.
OPDRAG 1 (GROEPWERK)
- Werk in groepe. Soek ‘n prent met ‘n verskeidenheid materiale in ‘n tydskrif. Dui dan aan watter verskillende materiale in hierdie prent voorkom EN waarvoor dit gebruik word.
- (‘n Prent van ‘n gemeubileerde vertrek is ‘n goeie wegspringplek!)
| Tipe Materiaal | Gebruik |
| Metale | |
| Vesels | ______________________________________________ |
| Plastiek | ____________________________________________________________________________________________ |
| Glas | ____________________________________________________________________________________________ |
| Hout | ____________________________________________________________________________________________ |
Assessering
Leeruitkomste 1: Die leerder is in staat om met selfvertroue op weetgierigheid oor natuurlike verskynsels te reageer, en om binne die konteks van wetenskap, tegnologie en die omgewing verbande te ondersoek en probleme op te los.
Assesseringstandaard 1.1: Dit is duidelik wanneer die leerder ondersoeke beplan: bespreek die vrae wat nodig is vir ondersoek en beskryf die tipe inligting wat benodig word om die vrae te beantwoord;
Leeruitkomste 2: Die leerder ken, interpreteer en pas wetenskaplike, tegnologiese en omgewingskennis toe.
Assesseringstandaard 2.2: Dit is duidelik wanneer die leerder inligting kategoriseer: kategoriseer voorwerpe en organismes in terme van twee veranderlikes.