2.2 Ortografiese projeksies in tekeninge

Tegnologie

Graad 9

Argitektoniese beplanning

Module 8

Ortografiese projeksies in tekeninge

Aktiwiteit 1:

Om ortografiese projeksies in tekeninge toe te pas

[lu 1.5, 1.9]

Daar is hoofsaaklik twee tipes ortografiese projeksies: eerstehoek- en tweedehoekprojeksies. Die aansigte sal in beide gevalle dieselfde wees maar die projeksie op papier sal verskil. Die onderstaande simbole word in tekeninge gebruik om aan te dui watter projeksie dit is.

Simbool vir eerstehoekprojeksie

Simbool vir derdehoekprojeksie

Ons gaan vir die doel van hierdie oefening slegs na ‘n eerstehoekprojeksie kyk. Jou opvoeder sal geruite papier voorsien wat dit makliker sal maak om te teken. As jy tekentoerusting het, is dit nog beter.

• Begin altyd deur die vooraansig te teken aangesien dit die posisie van die ander aansigte sal bepaal. Die bo-aansig word onder die vooraansig geteken en die sy-aansigte aan die kant verste van hul posisie ten opsigte van die vooraansig. Elke aansig toon slegs twee dimensies en saam gee hulle ’n drie-dimensionele beeld van die voorwerp.

• Die onderstaande voorbeeld illustreer ortografiese aansigte in die eerstehoekprojeksie.

SY A AANSIG

VOORAANSIG

SY B AANSIG

Plan

Fokustaak A

Teken ’n eerstehoekprojeksie van jou pennekassie (space case), skaal 1:2.

Aktiwiteit 2:

Om tekeninge te maatskryf

[lu 1.15]

• Tekeninge moet gemaatskryf word om aan te dui wat die grootte van die voorwerp in werklikheid is. Die mates moet die werklike mates van die voorwerp wees, selfs al is dit ’n skaaltekening. Daar is internasionale reëls vir die toepassing van mates:

• Alle mates moet van die onderkant of regterkant van die papier gelees word.
• Die limietlyn behoort vanuit die voorwerp en die syfers wat bokant die maatskrywingslyn wat tussen hulle strek, getrek te word.
• Kleiner afmetings moet nader aan die tekening geplaas word.

Bestudeer hierdie voorbeelde:

Grootte van gate

Posisie van gate

Assessering