1.3 Die buitelandse sektor in die ekonomiese siklus

Ekonomiese en bestuurswetenskappe

Graad 9

Die ekonomiese siklus

Module 4

Buitelandse sektor in die ekonomiese siklus

Tot dusver het ons veronderstel dat alle ekonomiese aktiwiteite slegs binne die grense van ‘n land plaasvind. Met die hedendaagse tegnologiese ontwikkelinge op die gebied van kommunikasie en vervoer, sowel as die voordele wat uit die gebruik van grootskaalse produksie voortvloei, word produktemarkte nie net binnelands nie, maar ook internasionaal benut. Vergelyk in dié verband Suid-Afrika se handel in steenkool en ander minerale, sowel as landbouprodukte soos wyn, suiker, wol, ens. wat uitgevoer word, asook tegnologiese produkte en masjinerie wat uit die buiteland ingevoer word.

Die doel van internasionale handel soos hierbo aangedui, is hoofsaaklik om die behoeftes van die inwoners van die land beter en meer effektief te kan bevredig. Elke land is nou nie net op sy eie bronne/produksie aangewese nie, maar kan ook die produkte van ander lande aanwend. Ons in Suid-Afrika kan dus nou gesofistikeerde rekenaars invoer, terwyl daar weer ander lande is wat Suid-Afrika se ystererts en goud sal wil aankoop.

Hierdie internasionale handelsverkeer tussen lande bestaan uit twee komponente, naamlik:

• Die vloei van goedere en dienste wat versend en ontvang word, (ook genoem internasionale handel); asook
• Die wedersydse betaling vir hierdie goedere en dienste in die geldeenheid van elke land (ook genoem valuta-transaksies).Internasionale handel vind plaas omdat:
• sekere lande ‘n oorvloed van sekere hulpbronne het, byvoorbeeld Suid-Afrika het baie goud en ander minerale, wat ons kan uitvoer, terwyl ons geen natuurlike oliebronne het nie;
• klimaatstoestande verskil van land tot land. As gevolg van die wisselvallige reënval in Suid-Afrika is daar sekere landbouprodukte wat nie hier verbou kan word nie, en wat dus ingevoer moet word, byvoorbeeld koffie, ens.
• die vlak van tegnologiese ontwikkeldheid verskil, byvoorbeeld die Japannese wat gekenmerk word deur hul kundigheid in rekenaartegnologie;
• vervoer en kommunikasie drasties verbeter het. So byvoorbeeld word vars blomme uit Suid-Afrika op ’n daaglikse basis oral in Europa voorsien.

Aktiwiteit 1:

Buitelandse sektor

[lu 1.2]

SELF:

Teken jou eie weergawe van die ekonomiese siklus (wat die buitelandse sektor insluit) sodat die deelnemers en die vloei duidelik blyk. Voeg diagram op ‘n aparte vel in.

Aktiwiteit 2:

Redes vir buitelandse handel

[lu 1.2]

GROEP:

Verwys na die redes vir buitelandse handel hieronder en gee (in elke geval) voorbeelde wat op die Suid-Afrikaanse situasie betrekking het.

1. Beskikbaarheid van hulpbronne:
2. Klimaatstoestande verskil:
3. Vlak van tegnologie:
4. Vervoer en kommunikasie:

Die toevoeging van die buitelandse sektor as die vierde deelnemer in die ekonomiese siklus word ook gekoppel deur middel van twee strome, naamlik die goederestroom en die geldstroom , soos hierbo verduidelik. Die toevoeging van die buitelandse sektor veroorsaak dat die ekonomie nou nie meer “geslote” is nie, maar meer “oop” geraak het, deurdat invoere en uitvoere veroorsaak dat “meer” goedere en geld invloei en/of uitvloei vanuit die twee strome soos voorheen aangedui.

Aktiwiteit 3:

Buitelandse handel

[lu 1.2]

SELF / GROEP:

Maak ‘n lys van goedere wat Suid-Afrika uitvoer en invoer en dui so ver moontlik aan waarheen die uitvoere versend word en waarvandaan goedere ingevoer word.

Aktiwiteit 4:

Buitelandse valuta

[lu 1.2]

SELF/GROEP:

Dui aan wat die geldeenheid van die lande is:

1. Japan
2. Rusland
3. VSA
4. Brittanje
5. Botswana
6. Indië
7. Duitsland
8. Frankryk

Aktiwiteit 5:

Grafiek van buitelandse valuta

[lu 1.2]

GROEP:

Teken op elke Woensdag (vir ten minste agt weke) aan wat die wisselkoers tussen die Suid-Afrikaanse Rand en die volgende geldeenhede is: (Verdeel die klas in vier groepe vir die doel.)

GROEP:

Elke groep moet aan die einde van die agt weke hul bevindinge op 'n grafiek aandui en daarna aan die klas verduidelik watter tendens oor die agt weke gegeld het.

Assessering

Memorandum

AKTIWITEIT 1: Buitelandse sektor

SELF:

Diagram van ekonomiese siklus, insluitend die buitelandse sektor .

AKTIWITEIT 2: Redes vir buitelandse handel

GROEP:

Verskaf redes vir buitelandse handel

AKTIWITEIT 3: Buitelandse handel

SELF / GROEP:

Lys van goedere wat in- en uitgevoer word .

AKTIWITEIT 4: Buitelandse valuta (Betaalmiddele)

SELF / GROEP:

Verskaf die geldeenheid van die volgende lande

JAPAN yen

RUSLAND roebels

VSA dollar

BRITTANJE pond sterling

BOTSWANA pula

INDIË rupee

AKTIWITEIT 5: Grafiek m.b.t. Buitelandse valuta

GROEP:

Versameling van gegewens m.b.t. wisselkoerse en teken van die grafiek t.o.v. die gegewens.