1.3 Basiese sketswerk

Tegnologie

Graad 8

Strukture

Module 4

Basiese sketswerk

Aktiwiteit 1

Basiese Sketswerk

Fokustaak 1

Dit is maklik om te sê ek kan nie teken nie, maar sketse is al in die oertyd gebruik nog voor- dat mense kon skryf. Dit is waar dat party mense baie meer kunstig is as ander, maar selfs die beste kunstenaars het nie net gaan sit en begin skilder nie. Dit is dus belangrik dat jy jou tekenvaardigheid moet ontwikkel en metodes moet oefen ten einde sketswerk van hoë kwaliteit te kan lewer. Onthou dat sketswerk vryhand gedoen word.

‘n Paar wenke:

• Gebruik ‘n sagte potlood, bv. HB
• Hou die potlood ± 20 mm van die punt vas.
• Moenie jou hand op die papier laat rus terwyl jy teken nie.
• Hou die potlood teen ‘n hoek sodat jy die punt duidelik kan sien.
• Ontspan terwyl jy werk.

Probeer nou die volgende stappe:

1. Trek ‘n aantal vertikale, horisontale en diagonale lyne onderskeidelik parallel met mekaar. Probeer fokus op die punt waarheen jy trek, terwyl jy die gewrig van jou tekenhand stilhou.

Vertikaal

Horisontaal

Diagonaal

1. Sodra jy gemaklik is met die trek van lyne, kan jy horisontale en vertikale lyne trek om regte hoeke (90° grade) te vorm.

1. Sodra jy die hoeke gemaklik kan trek, kan jy dit verder voltooi deur vierkante en reghoeke te skets. Dit is belangrik, aangesien vierkante en reghoeke baie as rame gebruik word waarbinne jy voorwerpe sal skets.

1. Wanneer jy ‘n sirkel moet teken, kan jy eers liggies ‘n vierkant skets waarvan die sye gelyk is aan die deursnee van die sirkel. Deur die middel van die vier sye te merk, kry jy die vier raakpunte van die sirkel.

Wanneer jy ‘n ellips moet skets, kan jy ‘n reghoek gebruik as gids.

Assessering