Om 'n onderhoud te voer

Lewensoriëntering

Graad 6

Persoonlike ontwikkeling

Module 10

Vermoëns, aanleg, belangstelling, sterk punte en selfbeeld

‘n Onderhoud

Aktiwiteit 1:

Om ‘n onderhoud te voer

[lu 3.1]

Werk in pare

Verbeel jou jy is ‘n joernalis wat by die SARIE of INSIG werk. Jy moet ‘n onderhoud voer om vir jou lesers ‘n kykie in die lewe en persoonlikheid van ‘n "bekende" persoon te gee. Ruil dan die rolle om. Dis belangrik om jou eie identiteit te behou vir die onderhoud. Jy is immers self ‘n belangrike en unieke persoon. Dis nie nodig om Mark Shuttleworth te wees om "iemand" te wees nie.

Hier volg die lys vrae wat jy in die onderhoud gaan gebruik. Jy kan gerus nog verdere vrae byvoeg as jy weet die persoon met wie jy ‘n onderhoud voer, het sekere kenmerke wat nie hierin gedek word nie.

1. Waar is jy gebore?
2. Wat is jou huistaal?
3. Kan jy ook ander tale praat?
4. Wat is jou geliefkoosde kleur?
5. Wat eet jy graagste?
6. Watter fliek het jy meeste geniet? Hoekom?
7. Watter webruimte besoek jy meeste? (Indien van toepassing)
8. Wie is vir jou ‘n rolmodel? Waarom?
9. Wat is jou beste eienskap?
10. Wat is jou slegste eienskap?
11. Watter jaar in jou lewe was jou beste jaar tot dusver? Gee redes.
12. Wat maak jou woedend?
13. Wat is die beste geskenk wat jy nog ontvang het?
14. As jy op ‘n eiland gestrand is en jy kan een mens by jou hê, wie sal dit wees? Hoekom?
15. Sien jy jouself ten eerste as sportmens, akademiese mens of kultuurmens? Hoekom dink jy so?
16. Watter van jou prestasies op die bogenoemde gebiede staan vir jou uit?
17. Watter beroep sal jy volg wanneer jy klaar is met skool?
18. Wie of wat inspireer jou om jou beste te lewer?
19. Wat is jou beste fisiese eienskap?
20. Wat is jou slegste of swakste fisiese eienskap?
21. As jy een ding aan jou liggaam kan verbeter, wat sal dit wees?
22. Wat is jou grootste droom vir Suid-Afrika se toekoms?
23. Wat wil jy nog bereik in die lewe?
24. As jy een wens kry by die "wensfeetjie", wat sal dit wees? (Onthou, die antwoord mag nie wees "dat al my wense sal waar word” nie.)
25. As jy in die jaar 3003 die aarde sou kon besoek, wat verwag jy om hier aan te tref?

Groepbespreking

Na afloop van die onderhoude kan die klas terug rapporteer en met die opvoeder se leiding sommige van die antwoorde (positief of negatief) bespreek.Indien daar genoeg tyd is, kan een of meer van die interessantste onderhoude voor die hele klas herhaal word.

Assessering