Inkomstestaat en balansstaat

Ekonomiese en bestuurswetenskappe

Graad 9

Bestuurs- verbruikers- en finansiële kennis en vaardighede

Module 15

Die inkomstestaat en balansstaat

Aktiwiteit 1:

Om tussen ’n inkomstestaat en ’n balansstaat te kan onderskei

[LU 3.1]

Dit is belangrik dat inligting oor finansiële transaksies in ’n verstaanbare en bruikbare vorm aan die belanghebbende persone oorgedra word. Dit word deur middel van finansiële state gedoen. Die balansstaat en inkomstestaat is opsommings van die onderneming se finansiële toestand op ’n sekere tydstip.

Die finansiële verslae moet volgens Algemeen Aanvaarde Rekeningkundige Praktyk opgestel word om te verseker dat dit ’n redelike weergawe van die finansiële toestand is wat sodoende die nodige inligting voorsien vir goeie beplanning en besluitneming.

Die Inkomstestaat se primêre doel is om die wins of verlies wat oor ’n bepaal­de periode verkry is, weer te gee.

Die Balansstaat se primêre doel is om die finansiële toestand van ’n onder­neming op ’n bepaalde datum weer te gee.

Die Balansstaat word in die volgende afdelings verdeel:

1 . Bates – Bestaan uit Nie-Bedryfsbates en Bedryfsbates

2 . Ekwiteit en Laste – Bestaan uit Eienaarsbelang, Nie-Bedryfslaste en Bedryfslaste

• Beskryf in jou eie woorde die verskil tussen ’n inkomstestaat en ’n balansstaat:

AKTIWITEIT 2:

Om inkomstestate vir ’n diensonderneming en handelsonderneming onderskeidelik op te stel

[LU 3.1]

• Die volgende voorbeelde is inkomstestate van ’n diensonderneming en ’n handelsonder­neming.

Z. ZulekiHandeldrywend as XYZ Loodgieters Inkomstestaat vir die jaar geëindig 31 Desember 2003

S. SolaniHandeldrywend as Solani Handelaars Inkomstestaat vir die jaar geëindig 31 Desember 2003

OPDRAG 1 : Inkomstestaat van ’n Diensonderneming

• Die rekeningkundige tydperk van Fixit Loodgieters (eienaar F. Fix) eindig jaarliks op 30 Junie. Die volgende proefbalans verskyn in sy boeke op 30 Junie 2003. Gebruik die inligting om die Inkomstestaat vir die jaar geëindig 30 Junie 2003 op te stel. (Papier sal voorsien word)

PROEFBALANS VAN FIXIT LOODGIETERS

OPDRAG 2 : Inkomstestaat van ’n Handelsonderneming

• Gebruik die volgende inligting en voltooi die Inkomstestaat van Hendrikse Handelaars (Eienaar: H. Hendrikse) vir die jaar geëindig 30 Junie 2003. (Papier sal voorsien word)