| << Chapter < Page | Chapter >> Page > |
Daar woon wolwe, bere, eekhorings en voëltjies in die woude, en in die somer migreer die kariboe, wat ‘n Amerikaanse soort rendier is, na die noorde om op wilde plante te leef.
Muskusbeeste lewe op die toendra deur die hele jaar. Hulle beskerm hulleself deur in ‘n sirkel te staan as die wolwe hulle aanval.
In die winter hiberneer die meeste diere. Bere slaap die meeste van die tyd in hulle skuilings en die eekhorings krul hulself op in hulle snoesige gate. Hulle het baie kos in die somer geëet wat nou as energie in hulle liggame gestoor is.
Die walrus woon ook hier en is familie van die robbe. Hulle is soogdiere wat lewendig gebore word en aan hulle mammas drink.
Poolbere is een van die wêreld se grootste diere. Hulle het ‘n laag dik, sagte hare teen die vel en dan ‘n buitenste laag pels met lang hare.
Dierelewe by die Suidpool (Antarktika)
Die albatros, wat een van die grootste seevoëls is, lewe ook by die Suidpool. Hy vlieg oor die see en soek sy kos in die water.
Die grootste dier op aarde, die blouwalvis, lewe in Antarktiese waters. Dit word 30 m lank!
Baie min soorte diere lewe in Antarktika, maar in die somer kom die robbe en pikkewyne soontoe om kleintjies te kry. Die kleintjies is veilig, want daar is redelik min roofdiere wat hulle kan vang.
Baie soorte pikkewyne woon by die Suidpool. Die grootste een is die keiser-pikkewyn wat ongeveer 1 m groot kan word. Hulle kan nie vlieg nie, maar is uitstekende swemmers.
Hoe oorleef die mense in die pole?
Die Inuit-mense lewe in Arktika. Hulle maak vir hulle klere van lekker warm dierevelle om hulleself warm te hou. Hulle woon in klein dorpies waar hulle gedurende die wintermaande ys moet smelt om water te kry.
Hulle jag om kos in die hande te kry en woon in yshutte wat igloes genoem word. Hulle vorm ysblokke tot ‘n koepel en vul die openinge met sneeu.
‘n Ander groep mense, wat die Saami genoem word, woon in Lapland. Hulle is bekend daarvoor dat hulle rendiere aanhou vir melk, vleis en pels. Hulle hou daarvan om tradisionele klere te dra wanneer hulle toeriste op sleeritte neem.
Die mense werk vandag in fabrieke en woon in huise wat van klip of hout gemaak is. Hulle dra moderne klere en ry in sneeumobiele rond.
Skryf ‘n paragrafie van 150 woorde oor hoe diere aangepas het om in die poolstreke te kan woon.
LEERUITKOMS 1: WETENSKAPLIKE ONDERSOEK
Die leerder is in staat om met selfvertroue op weetgierigheid oor natuurlike verskynsels te reageer, en om binne die konteks van wetenskap, tegnologie en die omgewing verbande te ondersoek en probleme op te los.
Dis duidelik wanneer die leerder
1.2 ondersoek uitvoer en data versamel.
Notification Switch
Would you like to follow the 'Natuurwetenskappe graad 4' conversation and receive update notifications?
|
|
|
|
|
|
|
|
|
|
|
|
|
|
|
|
|
|
|
|