4.7 Rigting

Wiskunde

Wiskunde in die wêreld rondom ons

Opvoeders afdeling

Memorandum

Kritieke- en ontwikkelings uitkomste

Die leerders moet uiteindelik kan:

1. probleme identifiseer en oplos, en ook besluite neem deur kritiese en kreatiewe denke;

2. doeltreffend saam met ander lede van ‘n span, groep, organisasie en gemeenskap werk;

3. hulself en hul aktiwiteite verantwoordelik en doeltreffend bestuur;

4. inligting versamel, ontleed, organiseer en krities evalueer;

5. doeltreffend kommunikeer deur middel van visuele, simboliese en/of taalvaardighede in verskillende vorme;

6. wetenskap en tegnologie doeltreffend en krities gebruik deur verantwoordelikheid teenoor die omgewing en die gesondheid van ander te toon;

7. begryp dat die wêreld ‘n stel verwante stelsels is waarin probleme nie in isolasie opgelos word nie;

8. na te dink oor en ondersoek te doen na ‘n verskeidenheid strategieë om doeltreffender te leer;

9. as verantwoordelike burgers aan die lewe van die plaaslike, nasionale en wêreldgemeenskap deel te neem;

10. in verskeie sosiale kontekste kultureel en esteties sensitief te wees;

11. opvoedings- en lberoepsmoontlikhede ondersoek; en

12. entrepreneursgeleenthede te ontwikkel.

• Integrasie van Temas:
• Sosiale-geregtigheid: Die verhaal van die geheime teken is ‘n bewys van die belangrikheid van Geskiedenis. Wat is die voordeel van kennis van gebeure en dinge uit die verlede? Leerders kan in kleiner groepe verdeel, die biblioteek besoek en verdere navorsing doen oor die oorsprong van ons getallestelsel, Romeinse syfers, ens. Leerders kan projekte doen oor wiskunde in die natuur, in die klaskamer en by die huis. Hulle leer om saam te werk in groepe, na mekaar te luister en idees uit te ruil. Bespreek of “winskopies” altyd winskopies is. Wat is jou houding teenoor uitverkopings in die winkels? Is dit altyd nodig om geskenke te gee of te ontvang met verjaardae? Hoekom gee ons geskenke? Wanneer is dit aanvaarbaar om nie geskenke te gee nie?

• Indien leerders die telpatroon in 1’e tot 200 verstaan, kan hulle dit geleidelik uitbrei tot 1 000.
• Die storie van die geheime teken word ingesluit sodat die leerders die betekenis van 0 as plekhouer kan begryp (integreer met Geletterdheid).
• Die patrone met optelling en aftrekking van 6, 7, 8 en 9 word beklemtoon.
• Die lees van tyd word makliker wanneer die leerders die minute in 5’e tel.
• Kodes word gebruik om die antwoord van ‘n raaisel te ontrafel.
• Die almanak/kalender word gebruik vir aktiwiteite oor Kersfeesvierings in Desember.
• Module 8 word afgesluit met ‘n speletjie waarin klappers met getalsinne gepas word by liggies aan ‘n Kersboom.

Leerders afdeling

Inhoud

Aktiwiteit: rigting [lu 1.6, lu 1.9, lu 1.11, lu 3.8]

• Beweeg langs die lyne en voltooi die roetes:

1. Van M tot C:

M, L, _____________________________________________________________C.

of

M, N, _____________________________________________________________C.

2. Van M tot A:

M, ________________________________________________________________A.

of

M, ________________________________________________________________A.

of

M, ________________________________________________________________A.

• Dit is waar ek en my maats woon.

• Ek woon by 10.
• Ron woon by 5.
• Sisulu woon by 27.
• Piet woon by 22.

Om by my maats te gaan kuier moet ek rigtings ken. Ek gebruik hierdie tekens.

• As ek by Ron wil gaan kuier, moet ek op stap van 10 tot 5.
• Skryf die rigtings (tekens) van my huis by 10 na:
• Sisulu se huis:
• Piet se huis:
• Bespreek of daar ander roetes ook is om by hulle te kom.

• Beweeg langs die lyne en voltooi die roetes.

• My maats moet tot by 18 ry waar die skool is.
• Piet ry van 28 tot 18.

Dit is sy roete: 28, ...... ...... ...... ......

As elke getal 2 km van die volgende een op die roete is, dan moet Piet __________________________________ skool toe ry.

As hy 20c vir elke 2 km betaal, sal hy __________________ betaal om by die skool uit te kom.

• Sarel se roete is van 7 tot 18.

7, __________________________________________________________________

Sy roete is ______________________________________ km.

Hy betaal ______________________________________ skool toe.

Hy betaal ______________________________________ skool toe en terug.

• Betaal Sarel meer of minder as Piet? _________________________________
• Gee ‘n rede vir jou antwoord.

• Voltooi.

Piet gaan met hierdie bus skool toe.

1. Die bus ry langs roete 2. (Daar word net 2’e in die getalsinne gebruik).

Marie gaan met hierdie bus skool toe.

2. Hierdie bus ry langs roete 3. Skryf die getalsinne. Gebruik net 3’e.

Anna gaan met hierdie bus skool toe.

3. Hierdie bus ry langs roete 4. Skryf die getalsinne. Gebruik net 4’e.

Assessering

Leeruitkomste 1: Die leerder is in staat om getalle en die verwantskappe daarvan te herken, te beskryf en voor te stel, en om tydens probleemoplossing bevoeg en met selfvertroue te tel, te skat, te bereken en te kontroleer.

Assesseringstandaard 1.6: Dit is duidelik wanneer die leerder geldprobleme oplos wat totale en kleingeld in rand en sent behels;

Assesseringstandaard 1.9: Dit is duidelik wanneer die leerder hoofberekeninge uitvoer;

Assesseringstandaard 1.11: Dit is duidelik wanneer die leerder eie oplossings vir probleme verduidelik;

Leeruitkomste 3: Die leerder is in staat om eienskappe van en verwantskappe tussen tweedimensionele vorms en driedimensionele voorwerpe in 'n verskeidenheid oriëntasies en posisies te beskryf en voor te stel.

Assesseringstandaard 3.8: Dit is duidelik wanneer die leerder rigting verstaan.