Inleiding tot drie-dimensionele voorwerpe

Tegnologie

Graad 6

3-d drome

Module 4

Inleiding tot drie-dimensionele voorwerpe

Inleiding tot drie-dimensionele voorwerpe

Jy het al kennis gemaak met ‘n verskeidenheid twee-dimensionele vorms, naamlik ‘n vierkant, reghoek, driehoek en ‘n sirkel.

opdrag 1:

Kyk na die onderstaande skets. Kan jy moontlik nog drie twee-dimensionele vorms behalwe bogenoemde identifiseer? Trek die drie figure met drie verskillende kleure kleurpotlode na.

Hierdie figure is , en .

Kom ons kyk na die eienskappe van hierdie figure en of daar enige ooreenkoms is tussen hierdie figure en die bostaande figure.

opdrag 2:

Skryf net die naam/name van die figuur/figure neer wat hierdie eienskap besit.

1. Al vier sye is ewe lank
2. Het vier regte hoeke
3. Het twee stomphoeke en twee skerphoeke
4. Het twee lang sye en twee kort sye
5. Een paar teenoorstaande sye loop parallel
6. Albei pare teenoorstaande sye loop parallel
7. Sy omtrek kan nie met ‘n liniaal gemeet word nie

opdrag 3A:

Kom ons probeer om PARALLELOGRAMME en RUITE te teken. Hiervoor het jy ‘n 30º/60º ruitnet nodig. (Bylae 1)

Plaas die ruitnet onder die bladsy, draai die bladsy dwars en teken ‘n parallelogram van 50 mm by 30 mm. Kan jy die parallelogram op ten minste twee verskillende maniere teken?

OPDRAG 3B:

Teken ‘n ruit waarvan die sye elk 40 mm is, met behulp van die 30º/ 60º ruitnet. Probeer dit op twee verskillende maniere doen.

Agtergrond:

Wanneer ons lyne verbind, word plat vlakke of fatsoene gevorm. Wanneer ons vier of meer plat vlakke verbind, kry ons ‘n drie-dimensionele voorwerp .

As jy ses vierkante teen mekaar sit, kry jy ‘n soort doos wat ons ‘n KUBUS noem. ‘n Kubus het drie dimensies, naamlik lengte, breedte en hoogte . ‘n Kubus het ook ses vlakke.

Let wel:

Die kante van die kubus wat ons nie kan sien nie, word met ‘n gebroke lyn (strepieslyn) aangedui. Onthou dat die strepieslyne mekaar altyd by die hoeke moet ontmoet.

OPDRAG 4A:

Probeer om jou eie kubus met behulp van die 30º/60º ruitnet te teken. Dui ook die gebroke lyne aan. Laat jou maats jou help om dit te doen as jy sukkel.

Voorstel:

Elke sy loop oor vyf blokkies.

Watter gewilde speelding is in die vorm van ’ n kubus? ‘n d n.

Kan jy aan nog voorbeelde dink?

Agtergrond:

As ons vier reghoeke van dieselfde grootte en twee kleiner reghoeke teen mekaar sit, kry ons ‘n soort figuur wat soos ‘n baksteen of ‘n skoendoos lyk. Hierdie figuur het ook drie dimensies, naamlik lengte, breedte en hoogte. Die figuur het ook ses vlakke.

OPDRAG 4B:

Probeer om jou eie baksteen met behulp van die 30º/60º ruitnet te teken. Dui ook die gebroke lyne aan.

Voorstel:

Voorstel: lengte: 60 mm; breedte: 40 mm; hoogte: 30 mm

Agtergrond:

Ander drie-dimensionele figure wat ons kry, is ‘n silinder , byvoorbeeld die kartonbuis van die toiletpapier; ‘n sfeer , byvoorbeeld ‘n sokkerbal; ‘n piramide, byvoorbeeld die dak van ‘n eenvoudige vierkantige huis, en ‘n keël, byvoorbeeld die roomyshorinkie as jy vir jou ‘n draairoomys koop.

OPDRAG 5:

Teken vryhand ‘n voorbeeld van elk van bogenoemde drie-dimensionele figure in die spasie hieronder.

Assessering

Memorandum

Opdrag 1

• trapesiums,
• parallellogramme,
• ruite (geen spesifieke volgorde nie )

Opdrag 2

a) vierkant, ruit

b) vierkant, reghoek

c) parallellogram, ruit

d) parallelogram,reghoek

e) trapesium

f) vierkant, ruit, parallelogram, reghoek

g) sirkel

Opdrag 3A

Baie moontlikhede is korrek, solank die twee oorstaande sye oor drie en die ander oorstaande sye oor vyf blokkies loop.

Opdrag 3B

Die ruit kan verskillend geplaas word solank al vier sye oor vier blokkies loop.

Opdrag 4A

Dobbelsteen /Rubic se kubu