<< Chapter < Page Chapter >> Page >

Natuurwetenskappe

Graad 4

Die planeet aarde en die heelal

Module 44

Weervoorspelling

Aktiwiteit:

Om oor weervoorspelling te praat

[lu 3.1]

Maar waar kry die weervoorspellers hulle inligting?

Hulle moet inligting kry. Dit kom van weersatelliete, weerballonne en aardstasies. Metsat is die naam van so ‘n weersatelliet wat om die aarde wentel.

Daar is natuurlik ‘n kamera in die Metsat wat foto’s neem van die aarde wat die wolke wys en sneeu en storms wat aan die kom is, aantoon. Dit kan ook warm of koue plekke op die aarde aandui.

Inligting word versamel van die temperatuur, humiditeit (dit is die vog in die lug), windspoed- en rigting, wolktipes, lugdruk en reënval. Al hierdie inligting gaan nou na die weerstasie toe waar mense die inligting in ‘n rekenaar invoer om te verwerk.

Nou word ‘n weerkaart geteken wat ons op televisie en in die media sien.

Wie van julle wil probeer om ‘n weervoorspelling oor vandag se weer aan die klas te gee net soos op televisie gedoen word?

Probeer om elke dag ‘n kaart uit die koerant te knip en te bestudeer. Kyk mooi na die sleutel wat die verskillende soorte weer op die kaart aandui.

Hieronder is vir jou ‘n voorbeeld:

Bestudeer die sleutel en skryf die korrekte benamings vir die tekens neer:

______________________________________________________

_______________________________________________

_______________________________________________

_______________________________________________

_______________________________________________

_______________________________________________

_______________________________________________

________________________________________________

__________________________________________________

________________________________________________

Teken ‘n prentjie van jou gunsteling weer.

SON

REëN

BEWOLK

Hou nou jou eie weerkaart vir een week. Teken ‘n sonnetjie, reën of wolkie in die tweede kolom van jou tabel van vier kolomme en vul daarnaas die windspoed en temperatuur van elke dag ook in.

Kolom 1: Dag

Kolom 2: Weer

Kolom 3: Windspoed

Kolom 4: Temperatuur

Assessering

LEERUITKOMS 1: WETENSKAPLIKE ONDERSOEK

Die leerder is in staat om met selfvertroue op weetgierigheid oor natuurlike verskynsels te reageer, en om binne die konteks van wetenskap, tegnologie en die omgewing verbande te ondersoek en probleme op te los.

Assesseringstandaarde

Dis duidelik wanneer die leerder

1.1 ondersoek beplan;

1.2 ondersoek uitvoer en data versamel;

1.3 data evalueer en bevindinge kommunikeer.

LEERUITKOMS 2: KONSTRUKSIE VAN WETENSKAPKENNIS Die leerder ken, interpreteer en pas wetenskaplike, tegnologiese en omgewingskennis toe.

Assesseringstandaard

Dis duidelik wanneer die leerder

2.1 betekenisvolle inligting onthou.

LEERUITKOMS 3: WETENSKAP, DIE SAMELEWING EN DIE OMGEWING Die leerder is in staat om begrip van die onderlinge verband tussen wetenskap en tegnologie, die samelewing en die omgewing te toon.

Assesseringstandaard

Dis duidelik wanneer die leerder

3.1 wetenskap en tegnologie in die konteks van geskiedenis en inheemse kennis verstaan.

Memorandum

Mnr. Breinsel:

  • Wat is die regte woord vir ‘n weervoorspeller?Antwoord:
  • meteoroloog

Bestudeer die sleutel en skryf die korrekte benamings neer: sien sleutel op kaart.

Mnr. Breinsel:

  • Vind uit wat die volgende beteken:
  • ‘n hoogdruk
  • ‘n laagdruk
  • ‘n front

Hoogdruk: wanneer daar ‘n hoogdrukstelsel oor die land beweeg, beteken dit gewoonlik dat dit ‘n mooi dag gaan wees. Koue lug beweeg uit- en afwaarts en word warmer.

Laagdruk: ‘n laagdrukstelsel bring gewoonlik reën en bewolkte toestande. Koue lug beweeg in- en opwaarts en word koud.

Front: ons sien dikwels ‘n front na die land beweeg. Dit is maar net die rigting waarin warm of koue lug beweeg.

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Natuurwetenskappe graad 4. OpenStax CNX. Sep 18, 2009 Download for free at http://cnx.org/content/col11097/1.1
Google Play and the Google Play logo are trademarks of Google Inc.

Notification Switch

Would you like to follow the 'Natuurwetenskappe graad 4' conversation and receive update notifications?

Ask