<< Chapter < Page Chapter >> Page >

"Ek neem hom, Meneer. Soos u sê: wil ek speel of wil ek visvang?" Desmond haal sy tjekboek uit. André staan nader. "Die bakkie het nog nie 'n kappie nie, Meneer. Sien, u wil dalk..."

Beantwoord die vrae na aanleiding van die voorgelese gedeelte.

  • Na watter tipe werknemers het mnr. Hendricks gesoek?
  • Hoe het mnr. Hendricks se motorhawe verskil van die gewone motorhawe wat in tweedehandse voertuie spesialiseer?
  • Hoe het André geweet Desmond en sy vroutjie is met vakansie?
  • Watter voordele het die dubbelkajuit bo die duinebesie gehad? Noem enige twee.
  • Wat was die groot verskil tussen André en Gert?

Aktiwiteit 4:

Om te bespreek hoe die sprekers (in die teks) van mekaar verskil

[lu 1.3.3]

Hoe het die twee verkoopsmanne verskil? Identifiseer en bespreek kernkenmerke soos konteks, die spreker se liggaamstaal, inhoud, register en woordkeuse in groepsverband.

Aktiwiteit 5:

Om taal aan te wend om te manipuleer

[lu 2.4.2]

Rolspeel die toneel tussen André, Desmond en sy vroutjie. Verkoop 'n boot en ski's aan Desmond en sy vrou. Oortuig die dame sy kan ski en komplimenteer haar met haar atletiese voorkoms. Onthou, jy moet Desmond en sy vrou oorreed. Gebruik dus beskrywende woorde om dit te doen.

Aktiwiteit 6:

Om self ‘n slot te skryf

[lu 5.4.2]

Die leesstuk Hendricks Motors : Motors met 'n groot verskil eindig met: "Sien, u wil dalk..." Voltooi nou die dialoog skriftelik tussen André en Desmond. Stel jouself in André se plek en oortuig Desmond om 'n kappie vir die dubbelkajuit vierwielaangedrewe voertuig te koop. Jy kan hom selfs oortuig om die kappie te laat spuitverf. Onthou, jy moet in dialoogvorm skryf .

Aktiwiteit 7:

Om die gepastheid van taal te evalueer

[lu 3.6.1]

Luister aandagtig na die volgende gedeelte wat aan jou voorgelees word.

Spiky , die plaaslike boelie , stap die straat af. Hy is op pad na sy meisie, Liz. Met lang, afgemete treë stap hy. Met kammende vingers deur sy regop hare stap hy. Hy dra 'n T-hemp waarop staan: "Don't kill the world." Sy nuwe, pampoengeel bostrappers druk so 'n bietjie. Die ekstra paar sokkies moet nog hul werk doen. Uittrap sal hy hulle. Dalk was dit sy effe hoë trappery wat die rustige Bull ontstig het. Bull storm...

Hier volg Spiky se weergawe van die petalje aan sy meisie, Liz:

“Sien, ek loop nog so doodonskuldig, besig met my eie gedagtes, toe ek hom sien, dis nou Bull. Die brandsiek brak storm op my af. Hy kom eintlik so dwars aangeskuif. Die stof staan so 'n wolk, so asof 'n trop skaap deur die Karoo storm. Sy slagtande steek by sy kwylende bek uit. Ek gaan staan stil, doodstil. Dis alles pure verniet. Ek probeer hom paai, maar hy byt dwarsdeur my nuwe Levis . Dis toe dat ek myself moes verdedig. Ek laat loop met my nuwe bostrappers. Die yster-insetsel tref hom teen die kaak. Tjankend blaas hy die aftog, haat in sy oë.”

Hier volg mev. Haussmann se weergawe van die petalje aan haar vriendin:

“Dis alles daardie boelie, Spiky, se skuld. Almal loop deur: onskuldige kinders, weerlose diere en selfs ou vredeliewende Bull. Bull was besig om voor op die gras aan 'n sappige beentjie te kou, toe Spiky kortpad oor die erf steek. Skoppend stap die niksnuts van 'n Spiky en trap met sy smerige pote skoon bo-op die onskuldige Bull. Bull knor so effe net om te wys dis sy been, toe trek daardie skorriemorrie los. Skop skoon my getroue, vredeliewende huisdier se kaak af. Ek gaan 'n eis instel, jy sal sien.”

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Afrikaans huistaal graad 6. OpenStax CNX. Sep 07, 2009 Download for free at http://cnx.org/content/col10995/1.1
Google Play and the Google Play logo are trademarks of Google Inc.

Notification Switch

Would you like to follow the 'Afrikaans huistaal graad 6' conversation and receive update notifications?

Ask